Entertainment
Trending

హాట్ టాపిక్ బిగ్ బాస్ 5 ఎంట్రీపై ఇషా చావ్లా కామెంట్

హాట్ టాపిక్ బిగ్ బాస్ 5 ఎంట్రీపై ఇషా చావ్లా కామెంట్ బిగ్ బాస్ షో ఐదో సీజన్ టాపిక్ ఇప్పుడు సోషల్ మీడియాలో హాట్ టాపిక్ అవుతోంది. స్టార్ మా యూనిట్ బిగ్ బాస్ షో ఐదో సీజన్‌కు సంబంధించిన లోగోను వదలడంతో అసలు కథ మొదలైంది. తాజాగా హీరోయిన్ ఇషా చావ్లా బిగ్ బాస్ ఎంట్రీపై నోరు విప్పారు.

బిగ్ బాస్ షో ఐదో సీజన్ టాపిక్ ఇప్పుడు సోషల్ మీడియాలో హాట్ టాపిక్ అవుతోంది. స్టార్ మా యూనిట్ బిగ్ బాస్ షో ఐదో సీజన్‌కు సంబంధించిన లోగోను వదలడంతో అసలు కథ మొదలైంది. అప్పటి వరకు తూతూ మంత్రంగా వచ్చిన వార్తలు, లీకులు ఒక్కసారిగా హోరెత్తిపోయాయి. అలా మొత్తంగా బిగ్ బాస్ షో అనేది ఇప్పుడు నెట్టింట్లో హాట్ టాపిక్ అవుతోంది. ఇక కంటెస్టెంట్ల పేర్లు లీకవుతూ రోజుకో పేరు తెర మీదకు వస్తోంది. ఇందులో కొంత మంది పేర్లు ఎక్కడా విననివి కూడా ఉంటున్నాయి.

అయితే ఇలా లీకులు అవ్వడంతో కొంత మంది నటీనటులు, ఆర్టిస్టులు తెరపైకి వస్తారు. వారిని జనాలు ఎప్పుడో మరిచిపోయి ఉంటారు. కానీ ఇలా బిగ్ బాస్ షోలోకి ఎంట్రీ ఇవ్వబోతోన్నారంటూ లీకులు రావడంతో మళ్లీ వెలుగులోకి వస్తారు. అందులో చాలా మంది బిగ్ బాస్ ఇంట్లోకి రారు. కానీ కంటెస్టెంట్ల లిస్ట్‌లో మాత్రం ఉన్నారంటూ లీకులు వస్తుంటాయి.

తెలుగు బిగ్ బాస్ ఐదో సీజన్ ఇప్పుడు హాట్ టాపిక్‌గా మారింది. కంటెస్టెంట్ల లిస్ట్ కూడా లీకైపోయింది. అందులోంచి కొందరు మాత్రం స్పందిస్తూ.. ఈ రూమర్లను ఖండిస్తున్నారు. ఇంకొందరు మాత్రం వారి పేర్లను అలా చూసుకుని నవ్వి వదిలేస్తున్నారు. ముఖ్యంగా ఈ లిస్ట్‌లో వినిపిస్తున్న పేర్లేంటో చూద్దాం. యాంకర్ రవి, వర్షిణి, సిరి హన్మంత్, జబర్దస్త్ సాయి తేజ(ప్రియాంక సింగ్), నవ్యస్వామి, విష్ణుప్రియ, సీరియల్ నటి ప్రియ, సీనియర్ హీరోయిన్ ప్రియా రామన్, సీరియల్ హీరో మానస్, హీరోయిన్ ఇషా చావ్లా, లోబో, యూట్యూబర్ సరయు, సురేఖా వాణి ఇలా కొన్ని పేర్లు వినిపిస్తున్నాయి.

కానీ ఇందులో వర్షిణి మాత్రం బిగ్ బాస్ షోలోకి రాబోవడం లేదని తెలుస్తోంది. సమంత శాకుంతలం సినిమాతో వర్షిణి బిజీగా ఉన్నారు. ఇక యాంకర్ రవి కూడా రానట్టు కనిపిస్తోంది. నెటిజన్లకు ఆయనిచ్చే సమాధానాలు చూస్తుంటే బిగ్ బాస్ ఎంట్రీ ఉండబోవడం లేదని తెలుస్తోంది. సురేఖా వాణి సైతం తాను బిగ్ బాస్ షోలోకి వెళ్లడం లేదు అని చెప్పి.. ఆ వెంటనే ఆ పోస్ట్‌ను డిలీట్ చేసేశారు. దీంతో కొత్త అనుమానాలు తెరపైకి వచ్చాయి.

అయితే తాజాగా హీరోయిన్ ఇషా చావ్లా బిగ్ బాస్ ఎంట్రీపై నోరు విప్పారు. నెటిజన్లు బిగ్ బాస్ ఎంట్రీ గురించి ప్రశ్నలు సంధిస్తుంటే.. తాజాగా వాటికి సమాధానాలు చెప్పారు. తాను బిగ్ బాస్ షోకి వెళ్లడం లేదని అసలు విషయం చెప్పేశారు. దీంతో లిస్ట్‌లోంచి ఓ కంటెస్టెంట్ పేరు తగ్గినట్టైంది. ఇక లీకు వీరులు ఇంకేదైన కొత్త పేరును తెరపైకి తెస్తారేమో చూడాలి.

Leave a Reply

Your email address will not be published. Required fields are marked *

Back to top button